“დორს საგურამოს” თითოეული სახლის არქიტექტურასა და დიზაინზე მუშაობდნენ ჩვენი კომპანიის გამოცდილი არქიტექტორები.
 
მათი მთავარი მიზანი იყო შეექმნათ სახლები, სადაც შერწყმული იქნებოდა თანამედროვე დიზაინი, პრაქტიკულობა და ხარისხი. ამასთან, მნიშვნელოვანი იყო სახლები ჰარმონიულად ჩამჯდარიყო არსებული ტერიტორიის განაშენიანებასა და უშუალოდ უბნის კონცეფციაში.

‍
‍

სახლის დაგეგმარებისას, ექსტერიერთან ერთად ყველაზე პრიორიტეტულია მისი შიდა გეგმარება, რათა ის მაქსიმალურად მორგებული იყოს მობინადრის საჭიროებებზე და ამავდროულად კომფორტული იყოს ყოველდღიური მოხმარებისთვის.
‍
სახლების მრავალფეროვნების მიუხედავად, თითოეულ სახლში შეხვდებით დიდ მისაღებს და სამზარეულოს, სამზე მეტ საძინებელს, კაბინეტის ოთახს, გადახურულ ვერანდებსა და სათავსო ოთახს.

სახლების მშენებლობა ხორციელდება 30 სანტიმეტრიანი ენერგოეფექტური პემზის ბლოკით, რომელიც უზრუნველყოფს იდეალურ თბო და აკუსტიკურ იზოლაციას. შემდგომში ფასადი იფარება საიზოლაციო მასალებით და იკვრება დეკორატიული ფილები.
‍
სახლების გარე ვიზუალი გადაწყვეტილია ინგლისური შავი აგურის ფილისა და WPC პანელის საფასადე ფაქტურებში, რომელსაც ექსტერიერზე ალამაზებს კომპანია “Alutech”-ის შავი ვიტრაჟული ფანჯრები და შუშის პროფილის მოაჯირი.